بسم الله الرحمن الرحيم
بجد يا جماعة مش عارف ابدأ ازاي ولا ااقول ايه ؟؟؟
لكن بجد انا تعبان اوي بسبباللي شفته واللي وصل ليه حال مصر
سرحت بخيالي وبفكر يا تري لو عمر بن العاص شاف مصر دلوقتي هيعمل ايه ؟
بلاش ** لو شاف مصر دلوقتي اي بني ادم في العالم مش هنصعب عليه
انا بقول ان لو واحد من ( كوللمبور ) حتي شاف مصر هنصعب عليه
لكن نعمل ايه ؟
حسبي الله ونعم الوكيل فيهم " وربنا يجعل كلامنا خفيف عيهم "
- بجد يا جماعة احنا ليه بيحصل معانا كده ؟؟
- ليه الشرفاء في السجون ؟
- ليه الكدب بالف لون ؟؟
- ليه الابرياء في المعتقلات؟؟
- ليه الغلابه في اقسام الشرطة ؟؟
- ليه الاطفال في الشوارع وتحت الارصفة ؟؟
- ليه الصحف الحقيقية يحول رجالها للمحاكمات؟؟
- ليه وليه وليه وليه وليه والف ليه ؟؟
- ليه الاخوان المسلمين بيتحاكموا ليه ؟؟
عشان مين ؟
عشان اسرائيل ؟؟ عشان امريكا ؟؟ عشان حضن بريطانيا ؟ ولا سلام فرنسا ؟؟ عشان مين محد رد عليا ؟؟
ولا كل اللي انا قلته ده غلط ومحدش من بره مصر ليه دخل والموضوع مصري اصيل ؟
يعني ممكن نكون بنبوظ بلدنا بادينا
الله الله الله ( امل ايه شعار الحزب الواطي ) اقصد الوطني سابقا " بلدنا بتنهض بينا " ؟؟
ولا هي كوسة والسلام مش عارف بجد انا تعبان
المهم نرجع للموضوع الاساسيمن حوالي اسبوع شفت الفيديو بتاع اغنية " يا طير طاير " المهداه للمهندس خيرت الشاطر واخوانة المحالين الي القضاء العسكري
مع اني متابع للموضوع من اوله الا اني حسيت برعشة غريبة اوي وكبيرة اوي لما شفت ابن المهندس خيرت الشاطر اللي لسه طفل صغير رافع راية ( ابي انت حر وراء السدود ) بجد يا جماعة بكيت اوي بكيت من جوايا
وعشان كده بدعوكم كلكم تاني وتالت انكم تشوفوا الفيديو ده ممكن تكوناو شفتوها قبل كده لكن ارجوكم شفوه تاني بس المرة دي بقلوبكم مش بعيونكم علي الربط ده
ياريت مكنشي تقلت عليكم وسامحوني
